Janë mbyllur nëntë nga dhjetë takimet e Ligës së Parë në grupet A dhe B, ku nuk munguan befasitë.

Tek Grupi A, Trepça ka pësuar humbje nga Besa e Pejës me rezultat 3-2, ndërsa Liria ka marr fitoren e parë duke mposhtur Rahovecin me rezultat 2-0.

Derbi kuqezi mes Vëllaznimit dhe Drenicës u mbyll pa gola 0-0.  Rilindja 1974 ka vazhduar me fitore, ku kësaj radhe ka arritur ta mposht Trepçën ‘89 me rezultat 2-1.

Ndeshja mes Istogut dhe Mitrovicës zhvillohet të hënën.

Rilindja 1974 është lidere e vetme në Grupi A me 6 pikë, ndërsa nga 4 pikë kanë Vëllaznimi dhe Drenica.

Trepça ‘89, Liria, Trepça dhe Besa e Pejës kanë nga 3 pikë.  Pa pikë janë Mitrovica, Istogu dhe Rahoveci.

Sa i përket Grupit B, Prishtina e Re ka vazhduar me fitore, duke e mposhtur si mysafir Ramiz Sadikun me rezultat 2-1.

2 Korriku dhe Fushë Kosova kanë barazuar me rezultat 1-1, ndërsa KEK-u ka mposhtur si mysafir Flamurtarin me rezultat 3-1.

Fitoren e parë e ka realizuar Vushtrria që ka arritur ta mposht Kikën me rezultat 3-2.

Dinamo e Ferizajt po ashtu ka marr fitore këtë javë, duke e mposhtur Vjosën me rezultat 3-2.

Prishtina e Re dhe Dinamo kanë nga 6 pikë, ndërsa nga 4 pikë kanë tubuar Vushtrria dhe KEK-u.

Vjosa është e pesta me 3 pikë, ndërsa nga një pikë kanë Kika, Ramiz Sadiku, 2 Korriku dhe Fushë Kosova.

Flamurtari është i fundit pa pikë.

Në xhiron e radhës në kuadër të grupit A, takohen: Rahoveci-Trepça, Drenica-Istogu, Mitrovica-Rilindja 1974, Trepça ’89-Liria dhe Besa Peja-Vëllaznimi.

Kurse në Grupin B, ballafaqohen: Keku-Dinamo, Fushë Kosova-Ramiz Sadiku, Prishtina e Re-Vushtria, Vjosa-2 Korriku dhe Kika Flamurtari./Arbresh.info